كلمه
كلمه جرح
كلمه جرح
حقيقى صعبه اوى اوى
وكلمه ندبه يعنى علامه
مش ممكن تروح ابدا
ولا تفارقك
وفيه جراح بتسيب فى القلب ندبات
وفيه فى الحب حكايات وحكايات
منها اللى كانت فى نهايته جروح
ومنها اللى اتلاقت فيها كل روح
ومنها اللى مش ممكن ابدا
لا تنساه
ولا تنسى عذابه
لكن بكل شك بيعلمك الجرح
لو استسلمت
هتضعف
ولو آمنت بيه
هتقوى
وهتتعلم
وهتكون زى الشجره
كل لما يقطعو منها غصن او فرع
يطلع غيره وتطرح اكتر واكتر
وتكون اشد جمالا واكثر نضوجا
والادهش ان مين جرحك ممكن تستغرب حالك عليه
لو حسيت ان فيه حد جرحه
مابيهونش عليك
ساعتها تعرف انه ماخرجش ابدا من قلبك
ولسه ساكن فيه
كتير وكتير وكتير وفى غنوتى النهارده (( رسمت فواصل كتير ))
اتمنى تعجبكم
إجرح وإتعب
-----------------------
إجرح وإتعب قلبى وكسر
كل اللى بنيته انا مش هخسر
عذب فيه أكتر وأكتر
يالله يا سيدى أدينى بتعلم
رسمت بإيدى انا شمس لضلك
بس إسمحلى آجى وأقولك
يوم ما الدنيا هتيجى تذلك
انا وياك أكيد هتألم
صعب تحس إحساس الخاين
تسلم قلبك ومهوش باين
ويسقى بغدر الجرح جناين
ويطلب منك تانى تكمل
شوف كام واحد شكى أوجاعه
وكام مظلوم مجروح مين باعه
ياما كتير فى العشق وضاعو
وشوف كام واحد عاش واتحمل
اللى يحب لازم بيسامح
بس ده إنت القلب الجارح
رغم دمع العين الطارح
آخاف تنادينى تانى استسلم
آسف غلطه دفعت تمنها
كل جراحى فى قلبى مكانها
بشكر قلبك إنه آلمها
وآدى وداعى فى أخره هسلم
